မယ်တင် (mae tin) - big bag lyrics
အရင်လိုပါပဲ ဖုန်တွေကြားထဲ
ယိုင်တိုင်တိုင်လှည်းကြီး မောင်းရင်းနဲ့
အရင်လိုပါပဲ အသံကြောင်တတ်တဲ့
မယ်ဒလင်လက်သံစမ်းနေခဲ့
အရင်လိုပါပဲ ချဉ်ပေါင်ဟင်းနဲ့
ကြုံရာငါပစ်ထည့်ဝါးရင်းနဲ့
အဆင်ပြေရင်လည်း ငါတွေးနေရင်းနဲ့
မယ်တင် ငါနင့်ကိုလွမ်းပါရဲ့
ရောင်နီလာမယ့်မိုးသောက်တိုင်း
ငါလွမ်းတယ်
နေညိုရင်လည်းထန်းတောထဲက လွမ်းတယ်
တောင်ပေါ်တက်ရင်းဖက်ခုတ်ရင်း
ငါလွမ်းတယ်
မယ်တင်နင်လည်း ငါ့ကိုမမေ့ပါနဲ့
အရင်လိုပါပဲ အိမ်ခေါင်မိုးလည်း
ကြယ်ရောင်စုံ လင်းလက်တောက်ပဆဲ
အိမ်ပေါ်မှာလည်း ငါခေါ်တင်ထားတဲ့
ပိန်ညောင်ညောင်ခွေးတစ်ကောင် ရောက်နေတယ်
မရည်ရွယ်ပါပဲ ပေါင်ဖြစ်သွားတဲ့
နင်မှန်မှန်ချက်တဲ့ထမင်းအိုးလည်း
အဆင်ပြေမှပဲ ငါပြန်ရွေးမယ်
မယ်တင်နင်ငါ့ကို စိတ်မကုန်နဲ့
ဆီကုန်နေတဲ့မီးခွက်ကြီးက လွမ်းတယ်
ယောင်ချာချာနဲ့ဝက်မကြီးလည်း လွမ်းတယ်
ဖုန်တင်နေတဲ့ကျောက်ပျဉ်ကြီးက လွမ်းတယ်
မယ်တင်ငါလည်း နင့်ကိုလွမ်းပါရဲ့
ဒီလိုနဲ့ပဲ ရွာမှာရှိတဲ့
လူတွေကမေးငေါ့ နှာခေါင်းရှုံ့ခဲ့
နင်ပြန်လာမှ အကုန်လိုက်တောင်းမယ့်
ငါယူတဲ့အကြွေးတွေ ဝိုင်းနေတယ်
အရင်လိုပါပဲ ရွာအဝင်လမ်းထဲ
ငါမှိုင်တွေငေးမောရင်းနဲ့ပဲ
အဆင်ပြေရင်တော့ ငါသိပ်လွမ်းလို့
အိမ်အပြန် နင့်ကိုတွေ့ချင်ရဲ့
လူတွေကလည်း
အကြွေးတောင်းရအောင် လွမ်းမယ်
ဗီဒီယိုရုံကဦးတုတ်ကြီးလည်း လွမ်းမယ်
ရွာသူတွေလည်း
အတင်းပြောရအောင် လွမ်းမယ်
မယ်တင် ငါလည်းနင့်ကို လွမ်းပါရဲ့
ဆီကုန်နေတဲ့မီးခွက်ကြီးက လွမ်းတယ်
ယောင်ချာချာနဲ့ဝက်မကြီးလည်း လွမ်းတယ်
ဖုန်တင်နေတဲ့ကျောက်ပျဉ်ကြီးက လွမ်းတယ်
မယ်တင်ငါလည်း နင့်ကိုလွမ်းပါရဲ့
Random Song Lyrics :
- hard rain - blue violet lyrics
- better off - aardman (germany, austria, & switzerland) lyrics
- never enough - blaze ya dead homie lyrics
- will you be there / won't do - duke ellington lyrics
- get away from you - jason aldean lyrics
- shneinu le'olam - שנינו לעולם - zehava ben - זהבה בן lyrics
- spargi d'amaro pianto - gaetano donizetti lyrics
- ratchet & clank - laelien lyrics
- love you - the kid laroi lyrics
- oči u magli - satan panonski (ivica culjak) lyrics