العنوان في الصورة - anis znk lyrics
[paroles de anis znk “العنوان في الصور”]
[المقطع الوحيد]
وحد ربي وصلي عنبي هات وذنك واسمعني
حل عقلك معايا خويا وحاول باه تفهمني
زوز ديما في قلبك محال أنت تنساهم
ما ديرش كي لي رماوهم ادوكا طحنوهم نساهم
الحق في الوج يتقال ماشي في ظهر الإنسان
الدنيا حلو سكر مي ترشيلك الأسنان
يا سنان يا سنان أنا نتوحشت يامات زمان
والفنا قلوبنا بالكتمان و دزيناها في النسيان
كي الجوكر نقطع شواربي باه نضحك بليفوسات
أني شارد مشني معاك وعايش في هلوسات
نشعل فيهم النار مدام راس مالي بريكا
لا أمل في اد الجيل ليدول تيعو جاد و ريبيكا
كيما قال فيكا معبليش وين راني
غريب في غربة كلبة و بحد باب داري براني
ساعات نولي شراني ونعود نلوم في الغير
وغير نحط راسي في المخدة تجيني صحوة الضمير
مخي مخربط ستيلو حاير فيا
حاب نخمج الورقة مي غايضتني كي لولية
الكمية مش عادية ديتها في قارو روايال
ما فيزيون ما تفمهاش تشوفني عبد مش نورمال
لي في بالي بعاد بعد السماء عالبحر
زوز ما يتلقاوش كيما الشمس والقمر
ريشة الحزن تكتب وش يدور الداخل
الدنيا مومس لابسة لخلال في الكاحل
حظرت في جنازات صحابي أنا ماشي عراسهم
دي سوفونير في راسي بالأسود أني راسمهم
ماريخوانا في لي بومون حاب نرجع ب temp
الوقت ادا كلش يتباع cousinمام les sentiments
ريح معايا خويا لغناية مزالت طويلة
في الزنقة تشوف لعجب أكثر من ألف ليلة و ليلة
هربت مسرك و روحت ندير بلاصة في الغابة
لقيت حمار مداير كلون تع نصابة
لقرودة كي لعادة التصفاق و لقوادة
النسر يطيح الليل هنا تلقاه مع الحلابة
البطة لابسة جلابة عوامة ولعابة
الذيب يسويفي فاها شافها سالتلو اللعابة
الصيد خرج لصيد وخلا اللبة وحدانية
الضبع جابلها لعشاء مرط السبع ظهرت خونية
الثعلب ماكر لاعبها ميت يتخبط
مي الأرنب محلب تسمع غير الهربة تسلك
شاردوني معلق في الطاقة الحلم تيعو يكون طليق
حكمو عليه مؤبد في برلمان البطاريق
البرجي يبقى صديق في الفرح و لا في الضيف
لكوالا يوكل يرقد لدرك ما حب يفيق
التنوفيق و التخريب كلون تع فيران
خربو السانية كاملة ودارو mis en scéne
الحلوف بيجناتو البقرة اي تعشق في الطورو
الكاميليون شبعان ذبان وديما فارز أمورو
النمر او حقار ضاربها الكل بالكاتانا
مي نهار طاح في الماء طاحو عليه les pirannas
كي لغابة تخربت لغراب تغرب
تغدرت الزرافة كلاوها les gwalon في سرب
القط كلا لفلالس كي الدجاجة راحت تحوس
السردوك حشم بريشو كي شاف حلت الطاوس
أديكا المصفارة أديكا المسمومة
ما عندها سومة أديكا لفعة تع الحومة
والبومة مغرومة محروقة و محرومة
الغلطة لي دارتها خلاتها مشؤومة
الفيل حاكم سابعو جيعان و مشيان
الدب راقد هاني جابها بالهزان
لعوادة تع الهدرة عند البيروكي
البابيون هرب ما بقى يسنا في لاكي
الفاكتور فكرون متخلف بقرون
كيفو كيف بن عمو ديناصور هاز مقرون
مشاو فوق القندس من el pond دار الضالة
تغلط في لحمار يجيوك الكلاب الضالة
الدودة اي صابرة وناسيا elfuture
بالمشقة والمثابرة كسبت لحرير
كي زيانت النحلة نحول بدا يفيق
عشق في النوار من نهار لي داق فيه الرحيق
الجمل ماقدرش ينسى لي ضلموه في صغرو
البغل ديما معرش في المرشي يهدر بذكرو
الكانيش كي لعادة لحاس تع البابيش
الجربوع خارج لسرقة السيبلا ما يراطيش
الصيف والسخانة و النملة خدامة
الصرصور شايخ ميت وفي الشتاء يبات ع ندامة
الغابة مابقات غابة ريحتها ولات غريبة
حابين نعدلو الميزان ماحاجتنا بغابة جديدة
كار بلادي في الراvن و السايق ماهو فايق
باه نحكيلك الحقايق جيت نسرقلك klk دقايق
ما تسمعنيش بوذنك نسحق الحواس تع قلبك
كانيبال كي هانيبال elpouvoire كلالك مخك
أنت هو الضحية و انت هو المتهم
عايشوك في ديكور قلبولك حياتك في عدم
تبقى تخلص في الثمن مدام جدادك حاربو جدادهم
أمك تبقى تبكي تجي تشكي يديك باباهم
لي عاشو رجال وين راهم…ماتو شهداء
مي لي حكمو وراهم جبناء و خاونة
لي يحكم فيهم الحارث يحكموا في لي يحكم فينا
بلحرام سيطر علينا وزاد غرق بينا السفينة
ضربنا في القيم بإسم التحرر كي ريبيكا
المنظومة كي الشارع و كليكا تخلف كليكا
تعيش فاها جاد لا يعدي قبلك وهبي
الخزينة في العاصمة تعيط ام سرقولي ذهبي
لا مشك حاب تفهمني غير دير demi toure
تبقى مسجون في مخك وهوما يعليولك في الصور
الصورة واضحة كي لكادر انت لي عقلك مودر
العقار تع الشقيقة هو لي خلاك مخدر
خلل في لاماتريس neo شاف القطة
تائب سلم نفسو اي تتعاود نفس اللقطة
او يتكاتر الفيروس ومكان حتى ترياق
معليش نتحاسبو نهار الى ربك المساق
الساقي صاحي و الرعية ماهي واعية
لغنم يصبح راقد والمعزة تخدم معرية
الجهال في البيراوات يحكمو في الناس القارية
وكي القرية كي المدينة خويا عيشونا في خرية
و مشها فارية بيناتنا والحرب سجال
رباونا الرجال وربينالكم أجيال
خويا ما تقولي فكنا ما تقولي ماكلاه
نبقى نزرع في الأمل في أي انسان نتلقاه
أدوكا زرعو الجهوية بغرض التفرقة
والناس طاحت في الفخة بلي مقراش بلي قرا
عيشو في الخيال ليام توعدكم بالشقاء
حنا كي داحس والغبراء خاطينا حرب اللقطاء
نمدلك في راب دقيل مي لازم مخك يكون خفيف
ليوم سي بون جهلونا و حبو يكفرونا بالسيف
لي اداه نيف نفاوه جاوه و داوه
كل ما نشعلو poto في دومان او نلقاوهم طفاوه
في بالهم حشاوه وداو الجنة لمدرحة
والمنذبة لكبيرة شكون يتحاسب ع المذبحة
تحكمولك في ولدك ودارولو بروقرام
جابولو معلمة انفيليونساز في انستاقرام
شوي عشق و غرام وخلي تعيشو في لحرام
نكترولك لي فيروس ونزيدو نقصولك في la ram
لازم الأحلام تحرر من يدين فريدي
ما يحبوكش tnavigui يحبوك ديما في لكريدي
آنيماتريس في la tl خادمينها بالرطان
في la rue جابو ليريكا باه ejeunne يطيح en panne
أشباه الفنانين جابو الفن من التوالات
عبالنا ب les vue مشريين ونعرفو قاع الفيلمات
لكان على الصحافة سويسيدات في التسعينات
ابار عاشور ولخضر الثمثيل راح مع عريوات
لي قراني في لافاك قالي أنتم الجيل الأخطر
قالي ابكي على روحك ولادي كلهم passport آحمر
حنا ما نديرو الربيع حنا ناس فهامة
مي لاقامت عندنا تقوم معاها القيامة
ولاد الشعب كلاها الحوت وانت مهبول تقولي فوطي
كتبلي ربي نعيش باه نحكي كيفاه ماتو الخاوا
سمحيلي يا ماما ولدك ما لقا غير البوطي
لبسنا لي مونوط وجامي ما لبسنا لكمامة
دراري صغار تروح lecole في لوطوروت تقطع apied
طايحة في لاروتين بلادي عايشة في ديجاvu
مام تكون كابو داي كابي مخك يبقى انديكابي
ولالجيري عندها كونسار لازملو الشميو تيرابي
ادوما جهلونا و رجعونا للجاهلية
دوميل21 و مزالت كاين جهوية
كلنا كارطا خضراء مشو مشكل تع هوية
لبروبلام شكون لي ستفاد من الثروات الطبيعية
Random Song Lyrics :
- benihana - lil wop lyrics
- pregue a palavra - testemunhas de jeová lyrics
- paste pazze - taxi b lyrics
- souboj - adorare lyrics
- topgolf - lil wop lyrics
- slip - safe to say lyrics
- michael myers - lil wop lyrics
- after us - maurcus (qpid) lyrics
- same size a book bag - yung gleesh lyrics
- smokestack - silver snakes lyrics