a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ya masry leih - يا مصري ليه - ali el haggar - علي الحجار lyrics

Loading...

[اللازمة]
يا مصري ليه دنياك لخابيط والغلب محيط
والعنكبوت عشش على الحيط وسرح على الغيط
يا مصري قوم هش الوطاويط، كفاياك تبليط
صعبة الحياة والحل بسيط حبة تخطيط

[المقطع الأول]
فتحت باب إستيرادك وصرفت فوق ضعف إيرادك
فتحت باب إستيرادك وصرفت فوق ضعف إيرادك
حلي للخواجة إستكرادك
سابك بتقرا في أورادك
ودا قشطك ونزل تشفيط

[اللازمة]
يا مصري ليه دنياك لخابيط والغلب محيط
والعنكبوت عشش على الحيط وسرح على الغيط

[المقطع الثاني]
ومهولاتي تحب تزيط
ساعة الفرح زغاريط تنطيط
ومهولاتي تحب تزيط
ساعة الفرح زغاريط تنطيط
وفي المياتم هات يا صويت
وفي المظاهرات سخن تشيط
وفي الإنتخاب تنسى التصويت
[اللازمة]
يا مصري ليه دنياك لخابيط والغلب محيط
والعنكبوت عشش على الحيط وسرح على الغيط

[المقطع الثالث]
وليه بترشي وتتساهل
وتضيع حقوقك بالساهل
وليه بترشي وتتساهل
وتضيع حقوقك بالساهل
تستاهل النار تستاهل
يا غويط ويحسبك الجاهل
ساهل وساهي وغبي وعبيط

[اللازمة]
يا مصري ليه دنياك لخابيط والغلب محيط
والعنكبوت عشش على الحيط وسرح على الغيط

[المقطع الرابع]
يا مصري يا اللي الغلا عاصرك
والنهب في عصرك حاصدك
يا مصري يا اللي الغلا عاصرك
والنهب في عصرك حاصدك
قم للحياة وإسبق عصرك
ولا حاجة هترجع مصرك
إلا إن تكون شغال ونشيط
[اللازمة]
يا مصري ليه دنياك لخابيط والغلب محيط
والعنكبوت عشش على الحيط وسرح على الغيط
يا مصري قوم هش الوطاويط، كفاياك تبليط
صعبة الحياة والحل بسيط حبة تخطيط
يا مصري ليه دنياك لخابيط والغلب محيط

- ali el haggar علي الحجار lyrics

Random Song Lyrics :

Popular

Loading...