in funn'o mare - alessio bondì lyrics
[testo di “in funn’o mare”]
m’assicuti
e ‘un m’assicuti cchiù
stai facennu tutti cosi tu
in mienz’a via
mi fiermu un attimu
e chianciu ‘u mare
ma ‘sti lacrimi ‘i cu su’?
m’assicuti
m’assicutate in due
a tia ti viu; l’àvutru, chi sugnu ìu?
in mienz’a via
m’àmmucciu un attimu
e chianciu ‘u mare
ma sti lacrime ‘un s’asciucanu mai
e mi ‘nsonnu di vulari
in mienzu ai stiddi
i stiddi russi in funn’o mare
e mi ‘nsonnu di natari
‘un fussi bellu
rispirari in funn’o mare?
m’assicuti e ìu assicutu a tia
n’o disertu d’a me’ lagnusìa
s’allaga ‘a via e t’allaghi puru tu
ma ‘u chianciu ìu ‘stu mare
‘sti lacrimi su’ i mia
e chianciu p’anniari
ca ‘sti lacrimi ‘un asciucanu mai
annìu e m’addurmisciu ìu
scinnu a funnu
scinnu a chiummu in funn’o mare
e cu l’occhi vuoti, chini ‘i sale
viu ‘u cielu
mi pare un mare in cap’o mare
annìu e ‘un mi svegliare mai
si mi curcu
a panz’all’aria in funn’o mare
e tutti l’armi fannu un carnevale
e m’immitanu a cantari
vogghiu mòriri accussì
Random Song Lyrics :
- california - jalle lyrics
- un mar de gente - los jaivas lyrics
- heavenly arms - el perro del mar lyrics
- shake it off / shake it out - evynne hollens lyrics
- boa vibe - wine tkk lyrics
- no woman - milky chance & lewis capaldi lyrics
- better woman - sera cahoone lyrics
- kto by się spodziewał, że będzie tak romantycznie - jasnak lyrics
- do your dance - jusstheloyal lyrics
- the death of chris palko (instrumental) - cage lyrics