a b c d e f g h i j k l m n o p q r s t u v w x y z 0 1 2 3 4 5 6 7 8 9 #

infelix ego - adrian willaert lyrics

Loading...

infelix ego, omnium auxilio destitutus, qui caelum terramque offendi:
quo ibo? quo me vertam? ad quem confugiam? quis mei miserebitur?
ad caelum levare oculos non audeo, quia ei graviter peccavi
in terra refugium non invenio, quia ei scandalum fui
quid igitur faciam? desperabo?
absit, misericors est deus, pius est salvator meus

solus igitur deus refugium meum, ipse non despiciet opus suum
non repellet imaginem suam

ad te igitur, piissimе deus, tristis ac maerens vеnio
quoniam tu solus spes mea, tu solus refugium meum
quid autem dicam tibi? cum oculos levare non audeam?
verba doloris effundam, misericordiam tuam implorabo et dicam:
miserere mei deus, secundum magnam misericordiam tuam

- adrian willaert lyrics

Random Song Lyrics :

Popular

Loading...